UFC-ի թեթև քաշային կարգի հայ մարտիկ Արման Ծառուկյանը կարծում է, որ Քոնոր Մաքգրեգորի պրոֆեսիոնալ կարիերան մոտենում է ավարտին։
Ծառուկյանը անդրադարձել է Մաքս Հոլոուեյի և Մաքգրեգորի միջև կայացած մենամարտին՝ նշելով, որ իռլանդացի մարզիկն այլևս չի կարող մրցունակ լինել ամենաբարձր մակարդակում։
«Ցավոք, Քոնորը վնասվածք ստացավ մենամարտից առաջ կամ հենց դրա ընթացքում։ Կարծում եմ՝ պրոֆեսիոնալ սպորտում նրան այլևս ոչինչ չի սպասվում։ Այժմ նրա համար ավելի ճիշտ կլինի կենտրոնանալ բիզնեսի վրա»,– ասել է Ծառուկյանը։
Միաժամանակ հայ մարզիկը բարձր է գնահատել Մաքգրեգորի ներդրումը խառը մենամարտերի զարգացման գործում։
Նրա խոսքով՝ Մաքգրեգորը UFC-ի պատմության ամենաազդեցիկ դեմքերից մեկն է, որի շնորհիվ մեծացել է կազմակերպության լսարանը։
«Քոնորը փոխեց ամբողջ ինդուստրիան, բայց հիմա նրա համար ժամանակն է ավարտել կարիերան։ Կամ էլ UFC-ն պետք է նրան ավելի հեշտ մրցակիցներ տրամադրի, ոչ թե Հոլոուեյի մակարդակի մարզիկներ»,– նշել է Արման Ծառուկյանը։
