ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով Կիևին հասցված հարվածների պատճառով Ռուսաստանի դեմ Եվրամիության կողմից սահմանված սահմանափակումներին, հարց է բարձրացրել, թե Բրյուսելը երբ է պատժամիջոցներ կիրառելու Ուկրաինայի դեմ Ստարոբելսկի ու Զապորոժիեի ատոմակայանի հրետակոծությունների համար։
Իր տելեգրամյան ալիքում ՌԴ ԱԳՆ պաշտոնական ներկայացուցիչը գրել է. «Ե՞րբ կլինեն ԵՄ պատժամիջոցները կիևյան ռեժիմի դեմ «Ստարոբելսկում աղջիկների և տղաների զանգվածային սպանության համար»։ «ԶԱԷԿ-ի բազմակի գնդակոծման և դրա գլխավոր ինժեների սպանության համար»։ «Հրեշտակների ծառուղու», դպրոցների, մանկապարտեզների ու հիվանդանոցների բազմամյա գնդակոծությունների համար»։ «Գերիների խոշտանգումների համար»։ «Լրագրողների ոչնչացման համար»։ Իսկ «Հյուսիսային հոսք գազատարի պայթեցման համա՞ր»»։ Զախարովան նաև հեգնանքով հավելել է, որ կասկած չկա, որ Եվրամիությունը պատժամիջոցներ կսահմանի նաև «Թեհրանի գնդակոծման համար», այդպես չէ՞։
