BFMTV-ի հաղորդմամբ՝ Ֆրանսիայի մայրաքաղաքային շրջանում այս ամառ երկրորդ անգամ է հայտարարվել եղանակային ամենաբարձր տագնապի մակարդակը։ Հեռուստաալիքը նշում է, որ Իլ դը Ֆրանս շրջանում երբեք տարվա ընթացքում երկու անգամ ամենաբարձր (կարմիր) տագնապի մակարդակը չի հայտարարվել, առավել ևս՝ միմյանցից երեք շաբաթվա ընդմիջումով։ Այս շաբաթավերջին Փարիզում ջերմաստիճանը, կանխատեսումների համաձայն, կգերազանցի 35 աստիճան Ցելսիուսը (95 աստիճան Ֆարենհայտ)։
Ընդհանուր առմամբ, շաբաթ օրը կարմիր տագնապի մակարդակը կազդի երկրի 24 դեպարտամենտների 21.9 միլիոն ֆրանսիացու վրա։ Ֆրանսիայի օդերևութաբանական ծառայության տվյալներով՝ Նորվել-Ակվիտանիայի հյուսիսային հատվածից մինչև Լուարայի հովտի կենտրոն ջերմաստիճանը կհասնի 41 աստիճան Ցելսիուսի։
Վարչապետ Սեբաստիան Լեկորնուն ուրբաթ օրը՝ ժամը 10:00-ին (Մոսկվայի ժամանակով ժամը 11:00-ին), կանցկացնի նոր արտակարգ խորհրդակցություն՝ երկիրը պատած ծայրահեղ շոգի ալիքը քննարկելու համար։
