Վրացական ընդդիմությունը չի կարողանա վնասել ԱՄՆ-ի հետ հարաբերությունների կարգավորման գործընթացին, քանի որ այն արտաքին շահերին սպասարկող գործակալ է։ Այս մասին լրագրողներին ասել է իշխող «Վրացական երազանք - ժողովրդավարական Վրաստան» կուսակցության գլխավոր քարտուղար և Թբիլիսիի քաղաքապետ Կախա Կալաձեն։
«Ընդդիմությունը մեր երկրի թշնամին է։ Նրանք գործակալներ են։ Վերջին մի քանի տարիների ընթացքում հարյուր միլիոնավոր լարիներ են ծախսվել այս ցանցը ստեղծելու համար։ Սա տեղի է ունենում ոչ միայն մեր երկրում, այլև այլ երկրներում, որտեղ արտաքին ուժերը քաղաքական շահագրգռվածություն ունեն», - ասել է Կալաձեն։
Քաղաքական գործիչը կրկին նշել է, որ Վրաստանի իշխանությունները պատրաստ են զրոյից վերականգնել հարաբերությունները ԱՄՆ-ի հետ, սակայն դա պետք է հիմնված լինի արդար մոտեցումների վրա։
