Հունգարիայի նախկին վարչապետ Վիկտոր Օրբանը կոչ է արել Պետեր Մադյարի գլխավորած երկրի նոր կառավարությանը չեզոքություն պահպանել Ռուսաստանի և Ուկրաինայի միջև հակամարտության հարցում: Նա նաև հայտարարել է, որ Հունգարիան պետք է զերծ մնա Եվրոպայում ռազմատենչ տրամադրությունները սատարելուց:
Օրբանի խոսքերը կապված էին Ռումինիայի Գալաթ քաղաքում տեղի ունեցած միջադեպի հետ, որտեղ անօդաչու թռչող սարքը հարվածել է բնակելի շենքի, որի հետևանքով վիրավորվել է երկու մարդ: Բուխարեստը միջադեպի համար մեղադրել է Մոսկվային։«Մենք մեր ցավակցությունն ենք հայտնում հարևան Ռումինիայի վրա անօդաչու թռչող սարքի հարձակման զոհերին:
Այս միջադեպը հաստատում է, որ պատերազմը անմիջական սպառնալիք է ներկայացնում հարևան երկրների համար:Հետևաբար, մենք կոչ ենք անում Հունգարիայի կառավարությանը հետևել նախորդ կառավարության կողմից սահմանված չեզոքության քաղաքականությանը և ոչ մի քայլ չանել դեպի պատերազմամետ Եվրոպա», - գրել է Օրբանը Facebook-ում:
