Ֆինլանդիայում՝ Ռուսաստանի տարածքի մոտ, սկսվել են «Հյուսիսային հարված 26» հրետանային զորավարժությունները։
Զորավարժությունները տեղի կունենան Կուհմո մունիցիպալիտետի Վուոսանկա զորավարժարանում, որը գտնվում է սահմանից 70 կիլոմետր հեռավորության վրա։ Ֆինլանդիայի ցամաքային ուժերի տվյալներով՝ զորավարժություններին կմասնակցի 640 զինծառայող։
Նրանք կանցկացնեն հրետանային, ականանետային և մարտավարական կրակոցների վարժանքներ։ Մասնակցող տրանսպորտային միջոցների ճշգրիտ թիվը հայտնի չէ։ Զորավարժությունները կտևեն մինչև մայիսի 12-ը։
