Ֆրանսիան մշակում է իր Rafale կործանիչների մի քանի արդիականացման տարբերակներ՝ անօդաչու թռչող սարքերին հակազդելու համար։ Ֆրանսիայի ավիատիեզերական ուժերի (VKS) շտաբի պետ, գեներալ Ժերոմ Բելանժերը այս մասին հայտարարել է Le Journal du Dimanche-ին տված հարցազրույցում։
«Նպատակն է Rafale-ը հագեցնել ավելի քիչ թանկարժեք համակարգերով։ Տարբերակներից մեկը՝ դրա թնդանոթը հարմարեցնել է նման թիրախներ խոցելու համար», – ասել է նա։ Գեներալը նաև չի բացառել լազերային ուղղորդմամբ հրթիռների օգտագործումը՝ անօդաչու թռչող սարքերին հակազդելու համար։
Ներկայումս Ֆրանսիայի ավիատիեզերական ուժերը թանկարժեք MICA հրթիռներ են օգտագործում անօդաչու թռչող սարքերը չեզոքացնելու համար։ Յուրաքանչյուր նման զինամթերք արժե 600,000 եվրո։
Նախկինում Le Parisien-ը հայտնել էր, որ ֆրանսիական պաշտպանական արդյունաբերությունը իր ինքնաթիռների համար մշակում է ոչ թանկ հակաօդային զինամթերք։
