ԱՄՆ նախագահի դեմոկրատ թեկնածու Քամալա Հարիսը վաղաժամ քվեարկել է նոյեմբերի 5-ին կայանալիք երկրի համընդհանուր ընտրություններում։ «Ես հենց նոր փոստով լրացրեցի իմ քվեաթերթիկը»,-Միչիգանում լրագրողներին ասել է փոխնախագահը: Հեռարձակումն իրականացրել են ամերիկյան հեռուստատեսային լրատվական ընկերությունները։
«Իմ քվեաթերթիկն արդեն ճանապարհին է դեպի Կալիֆոռնիա: Ես վստահում եմ համակարգին, այն տեղ կհասնի»,-հավելել է քաղաքական գործիչը: Խոսելով Գազայի հատվածում տիրող իրավիճակի մասին՝ նա կրկին կոչ է արել դադարեցնել ռազմական գործողությունները։ ԱՄՆ-ում հաջորդ համընդհանուր ընտրությունները տեղի կունենան նոյեմբերի 5-ին։
Դոնալդ Թրամփն ու Հարիսը կպայքարեն պետության ղեկավարի պաշտոնի համար։ Թրամփը եղել է Ամերիկայի 45-րդ նախագահը և պաշտոնավարել է 2017-2021 թվականներին։
