Իսրայելի ռազմածովային ուժերի 25 կոմանդոսներից բաղկացած խումբը վայրէջք է կատարել Լիբանանի հյուսիսում գտնվող Բատրուն քաղաքի ափին և առևանգել տեղացի նավաստու, որը կապ ունի շիական «Հեզբոլլահ» կազմակերպության հետ: Իսրայելական գործողության մասին հայտնել է Al Hadath հեռուստաալիքը։
Նրա խոսքով՝ առեւանգված լիբանանցի Իմադ Ամհազիին իսրայելցի զինվորականները արագընթաց նավով ծով են տարել։
Հանրապետության հանրային աշխատանքների և տրանսպորտի նախարարի պաշտոնակատար Ալի Համիեն հաստատել է Լիբանանի քաղաքացու առևանգումը, սակայն հրաժարվել է մեկնաբանել առևանգվածի և Հեզբոլլահի կապը։
«Լիբանանյան բանակը և հետախուզական ծառայությունները հետաքննում են միջադեպի բոլոր հանգամանքները»,- ասել է նա։
