ՆԱՏՕ-ն մեկնարկել է Arctic Sentry («Արկտիկական պահակ») առաքելությունը՝ Արկտիկայում իր ռազմական ներկայությունն ընդլայնելու նպատակով։ Այս մասին նշվում է Եվրոպայում ՆԱՏՕ-ի Միացյալ զինված ուժերի գերագույն հրամանատար Ալեքսուս Գրինկևիչի հայտարարության մեջ։
«ՆԱՏՕ-ն սկսել է Arctic Sentry գործողությունը։ Նոր առաքելությունը կկոորդինացնի դաշինքի անդամ երկրների ընդլայնված ռազմական ներկայությունը տարածաշրջանում՝ ներառյալ զորավարժությունները, ինչպես, օրինակ, Դանիայի կողմից Գրենլանդիայում անցկացվող Arctic Endurance մանևրները», — ասվում է հայտարարության մեջ։
