Թուրքիայի արտգործնախարարությունն անդրադարձել է Եվրամիության կողմից Թուրքիայի մասին հրապարակված զեկույցին, հայտնում է ermenihaber.am-ը։
«Մենք հերքում ենք Թուրքիայի մասին 2024-ի զեկույցում ԵՄ-ի անհիմն գնահատականները հատկապես քաղաքական չափանիշների և ներքաղաքական զարգացումների վերաբերյալ»,-ասվում է հայտարարության մեջ։
Թուրքական կողմը ԵՄ-ին մեղադրել է նաև երկկողմ հարաբերություններում քաղաքական խնդիրներ առաջ քաշելու մեջ և ընդգծել, որ անկալում է, թե ԵՄ-ն կվերացնի այդ քաղաքական խոչընդոտները։Եվրահանձնաժողովը հոկտեմբերի 30-ին հրապարակել է 10 պետության վերաբերյալ «Ընդլայնման զեկույց», որոնց թվում եղել է նաև Թուրքիան։
Զեկույցում ընդգծվել է, որ Թուրքիայի ԵՄ անդամակցության շուրջ բանակացություններում 2018-ից այն կողմ առաջընթաց չի գրանցվել։Նշվել է նաև, որ մտահոգությունները, որոնք առկա էին կապված ԵՄ-ի ժողովրդավարական ստանդարտների, օրենքի գերակայության և դատական համակարգի անկախության ու այլ հիմնարար իրավունքների համատեքստում Թուրքիայի հետնահանջին, դեռևս պահպանվում են։
