Ամերիկայի Հայ Դատի հանձնախումբը (ANCA) խստորեն քննադատել է փոխնախագահ Ջեյ Դի Վենսի կողմից X հարթակում հրապարակված գրառման հեռացումը՝ կապված Ծիծեռնակաբերդի հուշահամալիր այցելության հետ: ANCA-ն դա անվանել է «խայտառակ զիջում թուրքական ճնշմանը», որը լուրջ մտահոգություններ է առաջացնում ազգությամբ հայ ընտրողների շրջանում՝ 2026թ. միջանկյալ ընտրություններին և 2028թ. նախագահական ընտրություններին ընդառաջ։«Թուրքիան երբեք չի դադարում նվաստացնել Ամերիկային», հայտարարել է ANCA-ի գործադիր տնօրեն Արամ Համբարյանը։
«Խիստ մտահոգիչ է, որ փոխնախագահ Վենսը՝ թուլություն է դրսևորում արտաքին ճնշման առաջ», սսել է նա: ANCA հաղորդագրության մեջ նշված է նաեւ, որ Սպիտակ տան @RapidResponse47 X հաշիվը նույնպես ջնջել է մի գրառում, որտեղ ներկայացված էր լրագրողի հարցը փոխնախագահ Վենսին՝ Երևանում, Հայոց ցեղասպանության հուշահամալիր այցելության կարևորության վերաբերյալ։ Փոխնախագահ Վենսը տվել է շրջանցիկ պատասխան. Դե, վաղը պատրաստվում ենք այցելել որոշ կարևոր վայրեր Ադրբեջանում… Ես առաջին փոխնախագահն եմ, որ երբևէ այցելել է Հայաստան։ Նրանք մեզ խնդրեցին այցելել այդ վայրը… Ես ցանկացա գնալ և հարգել հիշատակը»։
ANCA-ի քաղաքականության տնօրեն Ալեքս Գալիցկին երկրորդ գրառման ջնջումը բնութագրել է որպես «վիրավորանք Հայոց ցեղասպանության 1.5 միլիոն զոհերի հիշատակին և անարգանք մի համայնքի հանդեպ, որը տասնամյակներ շարունակ անխոնջ պայքարել է այդ հանցագործության ճանաչման համար»։
Կոնգրեսի մի շարք առաջնորդներ արագ արձագանքել և դատապարտել են փոխնախագահ Վենսի կողմից Հայոց ցեղասպանության ճանաչման վերաբերյալ գրառման հեռաղումը այդ թվում՝ սենատորներ Էդ Մարքին (ՄԱ), Ջեքի Ռոզենը (ՆՎ), Ադամ Շիֆը (ԿԱ), նախկին Ներկայացուցիչների պալատի խոսնակ Նենսի Փելոսին (ԿԱ), Կոնգրեսի Հայկական հարցերով հանձնախմբի համանախագահներ Ֆրենկ Պալոնեն (ՆՋ) և Բրեդ Շերմանը (Դ-ԿԱ), ինչպես նաև ներկայացուցիչներ Ջուդի Չուն (ԿԱ), Լորա Ֆրիդմանը (ԿԱ):
