Հունգարիայի վարչապետ Վիկտոր Օրբանը հայտարարել է, որ Եվրամիության կողմից մշակվող ծրագիրը՝ Ուկրաինային արագացված կարգով միացնել ԵՄ-ին, «բացահայտ պատերազմի հայտարարություն» է Բուդապեշտի դեմ։
«Նրանք որոշել են, որ Ուկրաինան կընդունվի Եվրոպական միություն արդեն 2027 թվականին։ Այս նոր ծրագիրը բացահայտ պատերազմ հայտարարություն է Հունգարիայի դեմ», — գրել է կառավարության ղեկավարը X սոցիալական ցանցում։ Նրա խոսքով՝ ԵՄ-ն և Ուկրաինան «չեն հարգում հունգարացի ժողովրդի որոշումը և պատրաստ են ցանկացած միջոցով տապալել հունգարական կառավարությունը»։
Նախկինում Politico հրատարակությունը, հղում անելով աղբյուրներին, հաղորդել էր, որ ԵՄ-ն ակտիվորեն մշակում է հինգ քայլից բաղկացած ծրագիր՝ Ուկրաինային իր կազմի մեջ ընդգրկելու արագացման համար, ինչի արդյունքում նա կարող է դառնալ ԵՄ անդամ արդեն 2027 թվականին։
