ԱՄՆ-ի և Իսրայելի դիրքորոշումները Իրանի միջուկային ծրագրի շուրջ բանակցությունների հարցում համընկնում են: Այս մասին հայտարարել է ԱՄՆ դեսպան Մայք Հակաբին հրեական պետությունում:
«Իսրայելի և Միացյալ Նահանգների դիրքորոշումները Իրանի հետ բանակցությունների հարցում բացառապես համընկնում են», – ասել է նա Վաշինգտոն մեկնելուց առաջ, ուր ճանապարհորդել է Իսրայելի կառավարության ինքնաթիռով՝ ուղեկցելով Իսրայելի վարչապետ Բինյամին Նեթանյահուին: Դիվանագետի խոսքերը մեջբերում է The Times of Israel հանդեսը:
Հակաբիի կարծիքով՝ ԱՄՆ-ի և Իսրայելի համար Իրանի նկատմամբ գոյություն ունեն նույն «կարմիր գծերը»: «Բոլորը կուզենային, որ ինչ-որ բան լուծվեր, բայց դա կախված է Իրանից», – ասել է դեսպանը:
