Կրեմլը դեռ չի տեսնում Փարիզի ցանկության նշաններ՝ բարձր մակարդակի երկխոսություն հաստատելու մասին, հայտարարել է Ռուսաստանի նախագահի մամուլի քարտուղար Դմիտրի Պեսկովը:
Ավելի վաղ Ֆրանսիայի նախագահ Էմանուել Մակրոնը հայտարարել էր, որ Փարիզը վերականգնել է կապի ալիքները Մոսկվայի հետ տեխնիկական մակարդակով: Իր հերթին, Պեսկովը հաստատել է Մոսկվայի և Փարիզի միջև գոյություն ունեցող կոնտակտները, որոնք, ըստ Ռուսաստանի նախագահի մամուլի քարտուղարի, ցանկության և անհրաժեշտության դեպքում կարող են բավական արագ հնարավորություն տալ բարձր մակարդակի երկխոսություն հաստատել:
«Դեռևս որևէ ինդիկացիա, որ նման ցանկություն կա, մենք չենք ստացել», – ասել է Պեսկովը լրագրողներին՝ պատասխանելով այն հարցին, թե արդյոք Փարիզը վերականգնել է տեխնիկական մակարդակով կոնտակտները Մոսկվայի հետ, ինչպես հայտարարել էր Ֆրանսիայի նախագահ Էմանուել Մակրոնը:
