Սպիտակ տունը դժգոհ է Իսրայելի գործողություններից՝ ուղղված Հորդանան գետի Արևմտյան ափի նկատմամբ իր վերահսկողության ընդլայնմանը, որի տարածքում գործում է Պաղեստինյան ազգային վարչակազմը։ Այդ մասին, հղում անելով ամերիկյան վարչակազմում իր աղբյուրին, X սոցիալական հարթակում հայտնել է Axios պորտալի թղթակից Բարակ Ռավիդը։
Ինչպես նշել է աղբյուրը, ամերիկյան վարչակազմը հանդես է գալիս ընդդեմ այնպիսի քայլերի, որոնք կարող են հանգեցնել Արևմտյան ափի Իսրայելի կողմից անեքսիայի։
«Արևմտյան ափի կայունությունը թույլ է տալիս Իսրայելին պահպանել անվտանգությունը։ Դա (կայունությունը) համապատասխանում է ամերիկյան վարչակազմի դիրքորոշմանը՝ տարածաշրջանում խաղաղության հասնելու հարցում», — հավելել է զրուցակիցը։
