Իրանի իշխանությունները պատրաստ են նվազեցնել երկրում առկա 60 տոկոսով հարստացված ուրանի պաշարների հարստացման մակարդակը, եթե Վաշինգտոնը լիովին վերացնի Թեհրանի նկատմամբ կիրառվող բոլոր պատժամիջոցները։ Այդ մասին հայտարարել է Իրանի Իսլամական Հանրապետության փոխնախագահը և Ատոմային էներգիայի կազմակերպության (ՕԱԷԿ) ղեկավար Մոհամմադ Էսլամին։
«Այս հարցը կախված է նրանից, թե արդյոք նրանք պատասխան քայլով կվերացնեն բոլոր պատժամիջոցները», — Tasnim գործակալությունը մեջբերում է Էսլամիի պատասխանը լրագրողի համապատասխան հարցին։
Փոխնախագահը նաև հստակեցրել է, որ Օմանում անցկացված բանակցությունների ընթացքում Թեհրանը և Վաշինգտոնը չեն քննարկել Իրանից բարձր հարստացված ուրանի հնարավոր դուրսբերումը երրորդ երկրներ։
«Բանակցությունների ընթացքում նման հարց չի քննարկվել», — նշել է նա։
