Ռուսաստանի էներգետիկ ենթակառուցվածքները Ուկրաինայի հարվածների օրինական թիրախ են՝ նույն կերպ, ինչպես ռազմական օբյեկտները։ Այդ մասին հայտարարել է Ուկրաինայի նախագահ Վլադիմիր Զելենսկին։
«Մենք չպետք է ընտրության առաջ կանգնենք՝ հարվածել ռազմական թիրախներին, թե էներգետիկային։ Նա (Վլադիմիր Պուտինը — խմբ.) այդ էներգիան վաճառում է։ Նա վաճառում է նավթ։ Ուրեմն դա էներգետիկա՞ է, թե՞ ռազմական թիրախ։ Իրականում՝ նույնն է։ Նա վաճառում է նավթը, ստանում է գումար և այդ միջոցները ներդնում զինամթերքի մեջ։ Իսկ այդ զենքն օգտագործվում է ուկրաինացիներին սպանելու համար», — ընդգծել է Զելենսկին։
