«Երկու օր կառուցողական, միևնույն ժամանակ, շատ բարդ աշխատանք է տեղի ունեցել։ Այն կշարունակվի»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով Կրեմլի կողմից վերջին բանակցությունների գնահատականի և հետագա սպասելիքների մասին հարցին,- հայտնում է Interfax-ը։
Ավելի վաղ նույն պնդումն արել էր ԱՄՆ նախագահի բանագնաց Սթիվ Ուիթկոֆը։ Նրա խոսքով՝ վերջին բանակցությունները կառուցողական են եղել, քննարկվել են հրադադարի պահպանման մեթոդները, եթե այդպիսի որոշում կայացվի։
«Բանակցությունները կառուցողական էին, հիմնական թեման են դարձել երկարատև խաղաղության համար պայմաններ ստեղծելու ուղիները»,- գրել էր նա սոցցանցերում։
Հիշեցնենք, որ Աբու Դաբիում փետրվարի 4-5-ն անցկացվել էր անվտանգության հարցերով Ռուսաստան-ԱՄՆ-Ուկրաինա աշխատանքային խմբի հերթական հանդիպումը։
