Ամերիկացի ձեռնարկատեր Իլոն Մասկը հայտարարել է, որ միայն ռոբոտներն ու արհեստական ինտելեկտը կարող են օգնել Միացյալ Նահանգներին հաղթահարել կուտակվող պետական պարտքի խնդիրը, որը, նրա խոսքով, սպառնում է երկրին սնանկացմամբ։
«Հնարավոր է՝ մեզ հաջողվի դանդաղեցնել ԱՄՆ-ի սնանկացման գործընթացը և բավարար ժամանակ շահել, որպեսզի արհեստական ինտելեկտն ու ռոբոտները օգնեն լուծել խնդիրը։ Սա միակ ճանապարհն է, որը կարող է կարգավորել պետական պարտքի հետ կապված իրավիճակը»,-ասել է Մասկը բլոգերներ Դվարխեշ Պատելի և Ջոն Քոլիսոնի հետ հարցազրույցում։
Նրա խոսքով՝ ԱՄՆ-ի կողմից պետական պարտքի տոկոսների վճարումները գերազանցում են երկրի ռազմական բյուջեն։ «Ավելի քան մեկ տրիլիոն դոլար՝ միայն տոկոսների վճարումների համար»,-դժգոհություն է հայտնել գործարարը։
