Պապուա-Նոր Գվինեայում ավելի քան 300 մարդ եւ 1 10 տուն մնացել է հզոր սողանքի տակ, հողին է հավասարվել մի ամբողջ գյուղ Պապուա-Նոր Գվինեայի հյուսիսում, տեղեկացրել է Reuters-ը՝ հղում կատարելով տեղի ԶԼՄ-ներին։Հարյուրավոր մարդիկ զոհվել են սողանքի հետեւանքով, որը տեղի է ունեցել Էնգա նահանգի Կաոկալամ գյուղում (մայրաքաղաք Պորտ Մորսբիից 600 կիլոմետր հյուսիս-արեւմուտք)։
Սողանքն իր տակ է առել ավելի քան 300 մարդ եւ 1 182 տուն, տեղեկացրել է Papua New Guinea Post Courier թերթը՝ հղում կատարելով երկրի խորհրդարանի անդամ Աիմոս Ակեմի հայտարարությանը։
Ավստրալական հեռուստառադիոհեռարձակող կորպորացիան շաբաթ օրը տեղեկացրել է, որ չորս դի հանվել է հողի տակից այն բանից հետո, երբ փրկարարները ժամանել են սակավ բնակեցված շրջան, որտեղ զոհերի թիվը, ինչպես սպասվում է, կարող է ավելանալ։
Սողանքը փակել է մայրուղու ճանապարհը, ուստի շրջան հասնելու միակ միջոցը ուղղաթիռներն են, տեղեկացրել է հեռուստաընկերությունը։Վարչապետ Ջեյմս Մարապեն հայտնել է, որ տարերային աղետի հետեւանքների վերացման համար պատասխանատու պաշտոնյաները, պաշտպանության ուժերի ներկայացուցիչները եւ շինարարության ու ավտոճանապարհների նախարարությունն օգնում են օգնության տրամադրման եւ վերականգնման աշխատանքներին։
