ԱՄՆ-ը պետք է հասկանա, որ Թայվանին զենք մատակարարելը չափազանց լուրջ հետեւանքներ կունենա։ Այս մասին ճեպազրույցում հայտարարել է ՉԺՀ պաշտպանության նախարարության պաշտոնական ներկայացուցիչ Չժան Սյաոգանգը՝ մեկնաբանելով կղզի ամերիկյան զենքի հնարավոր մատակարարումների մասին հաղորդագրությունները՝ մոտ 2 մլրդ դոլար արժողությամբ։
«Թայվանի հարցը Չինաստանի հիմնական շահերից ամենակարևորն է, այն չին-ամերիկյան հարաբերությունների առաջին կարմիր գիծն է, որը չի կարելի հատել»,- ասել է նա:
Ինչպես ավելի վաղ հայտնել էր ԱՄՆ պաշտպանության նախարարության Անվտանգության համագործակցության գործակալությունը, Պետդեպարտամենտը հավանություն է տվել NASAMS հակաօդային պաշտպանության համակարգի և ռադիոտեղորոշիչ կայանների հնարավոր վաճառքին Թայվանին գրեթե 2 միլիարդ դոլարով։
Թայվանը կառավարվում է իր սեփական վարչակազմի կողմից 1949 թվականից։ Պեկինը Թայվանը համարում է Չինաստանի Ժողովրդական Հանրապետության գավառներից մեկը։
