ԱՄՆ նախագահ Դոնալդ Թրամփի վարչակազմը Իրանի վրա հարձակման ծրագրեր է քննարկել, հայտնում է Wall Street Journal-ը՝ հղում անելով իր աղբյուրներին։
Պաշտոնյաները քննարկել են, թե ինչպես իրականացնել նախագահ Թրամփի՝ վերջերս Իսլամական Հանրապետության դեմ բարձրացված սպառնալիքները, այդ թվում՝ թե որ վայրերը կարող են թիրախավորվել, Wall Street Journal-ին հայտնել են աղբյուրները։
Իրանական մի քանի ռազմական օբյեկտների վրա լայնածավալ օդային հարվածը քննարկվող տարբերակներից մեկն է, չնայած Վաշինգտոնը դեռևս համաձայնության չի եկել գործողությունների ծրագրի շուրջ։
Աղբյուրները հայտնել են, որ հնարավոր հարձակման համար որևէ ռազմական տեխնիկա կամ անձնակազմ չի տեղափոխվել։
