«Եվրոմեդիա24»-ի աղբյուրները հայտնում են Սյունիքի մարզում Փաշինյանի թիրախավորած ջանքերի մասին։ Ասում են այստեղ վարչապետը փորձում է կուսակիցներ գտնել հենց համայնքապետերի ու նրանց տեղակալների շրջանում և բանագնացն այդ ուղղությամբ Ռոբերտ Ղուկասյանն է։ Նկատենք ինքը՝ մարզպետ Ռոբերտ Ղուկասյանը, 2018թ-ից Կալավանից հասավ կառվարական շենք ու միանգամից դարձավ Նիկոլ Փաշինյանի խորհրդական, իսկ հետո 2020թ-ի պատերազմից հետո նշանակվեց Սյունիքի մարզպետ և մինչ օրս իրեն պարտական չի համարում Փաշինյանին, որ նրա կուսակցական անդամատոմսն ընդունվեց։ Եվ ահա անկուսակցական մարզպետը, ըստ մեր աղբյուրի, ջանում է քպ-ացնի Սյունիքի 3 համայնքապետերին ու նրանց տեղակալներին, ովքեր ընդվզել են 44- օրյա պատերազմից հետո վարչախմբի դեմ՝ ընդհուպ «սյունյաց ողջույններով են ուղեկցել» Փաշինյանին՝ չստացված այցերից մեկի ժամանակ։
Եվ, ի դեպ, Սյունիքի մարզպետը անկուսակցական չէ, նա «Քաղաքացիական պայմանագիր» կուսակցության անդամ է»։
Ըստ մեր տեղեկությունների՝ համայնքապետերը համաձայնել են որոշակի կոմպրոմիսի գնալ, որպեսզի Նիկոլ Փաշինյանը չորոշի կտրել իրենց մարզերը աջակցությունից և դադարեցնի սուբվեցիոն ծրագրերը։
Տեղեկության վերաբերյալ մեկնաբանություն ստանալու համար դիմեցինք Սյունիքի մարզպետին, վերջինս էլ նշել է․
«Համայնքապետերին՝ իբր մարզպետի կողմից «ՔՊ-ացնելու» մասին ձևակերպումները բացարձակ սուտ են և անլուրջ, յուրաքանչյուր մարդ իր քաղաքական դիրքորոշումն ունի, և գիտենք, որ համայնքների ղեկավարները Սյունիքում առաջնորդվում են իրենց համայնքների շահերով, մարզպետը չի պատրաստվում նրանց կուսակցական դարձնել, այդ ամենը հերյուրանք է»։
Նկատենք, որ մարզպետը չի հերքել համայնքապետերի ՔՊ-ացման մասին տեղեկությունը, այլ «սուտ ու անլուրջ» է որակել դրան՝ իր մասնակցությունը։
