Հազվագյուտ հողային մետաղների վերաբերյալ Ուկրաինայի իշխանությունների հետ ԱՄՆ-ի գործարքը պայման էր Վաշինգտոնի կողմից ռուս-ուկրաինական հակամարտության խաղաղ կարգավորման ջանքերը շարունակելու համար, այս մասին Fox News-ին տված հարցազրույցում ասել է ԱՄՆ նախագահ Դոնալդ Թրամփը:
Թրամփը նշել է, որ ռուս-ուկրաինական հակամարտությունն, ընդհանուր առմամբ, չի ազդում ԱՄՆ-ի վրա:
«Դա առանձնապես չի ազդում Միացյալ Նահանգների վրա։ Իսկապես չի ազդում», -նշել է նա՝ ընդգծելով, որ ցանկանում է վերջ դնել արյունահեղությանը։Թրամփը հավելել է, որ նախկին նախագահ Ջո Բայդենը Կիևին տրամադրել է 350 միլիարդ դոլար, և որ ինքը վերադարձրել է այդ գումարը՝ Ուկրաինայի հետ կնքելով գործարք հազվագյուտ հողային մետաղների շուրջ։
