Արդարադատության միջազգային դատարանը Հաագայում մայիսի 24-ին որոշում է կայացրել Գազայի հատվածում ռազմական գործողությունները դադարեցնելու վերաբերյալ՝ Հարավային Աֆրիկայի խնդրանքով։ Որոշման մեջ, որը կարդացել է Լիբանանը ներկայացնող դատավորը, ասվում է, որ Ռաֆահում իրավիճակն ավելի է վատացել գործողության մեկնարկից ի վեր, և անհրաժեշտություն է առաջացնել փոփոխել նախկին հրամանները:Ըստ նոր որոշման՝ «Իսրայելը պարտավոր է անհապաղ դադարեցնել ռազմական գործողությունը և ցանկացած գործողություն Ռաֆահի շրջանում, որը կարող է բացասաբար ազդել քաղաքի խաղաղ բնակչության վրա»։Դատարանը Իսրայելից պահանջել է նաև անհապաղ բացել Եգիպտոսի հետ սահմանային անցակետերը՝ հումանիտար օգնության մուտքը Գազա թույլ տալու համար: Ինչպես նաև արդյունավետ քայլեր ձեռնարկել՝ ապահովելու ցեղասպանության մեղադրանքները հետաքննող ՄԱԿ-ի ցանկացած հանձնաժողովի մուտքը Գազայի հատված:Իսրայելը նախապես զգուշացրել էր, որ չի ենթարկվի պատերազմի դադարեցում պահանջող որևէ որոշման։Ի դեպ, այն պահին, երբ Հաագայում ընթերցվում էր Ռաֆահում գործողությունը դադարեցնելու մասին դատարանի որոշումը, Իսրայելի օդային ուժերը ակտիվ հարվածներ էին հասցնում Ռաֆահում ՀԱՄԱՍ-ի օբյեկտներին։
Իսրայելը պետք է դադարեցնի գործողությունը Ռաֆահում. Արդարադատության միջազգային դատարան
24.05.2024 20:45 |
Կատեգորիա
Համաշխարհային
