Իրանի իրավապահ մարմինները ձերբակալել են Աֆղանստանի ներքին գործերի նախարարության բարձրաստիճան սպա Իկրամուդդին Սարիի սպանության մեջ կասկածվող անձին։
Նա սպանվել է անհայտ զինված անձի կողմից իր ընկերոջ հետ միասին Թեհրանի մարդաշատ փողոցներից մեկում, հաղորդում է Afghanistan International պորտալը՝ հղում անելով Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ֆադա Հոսեյն Մալեքիի հայտարարությանը։
«Գեներալ Իկրամուդդին Սարիի սպանության մեջ կասկածվողը ձերբակալվել է Իրանի մայրաքաղաքում Իրանը թույլ չի տա, որ Աֆղանստանի անվտանգության խնդիրները տարածվեն Թեհրան կամ Մաշհադ»,-օրենսդիր մարմնի ղեկավարի խոսքերն է մեջբերում պորտալը։
