Սիրիայի քաղաքացիական պաշտպանությունը հայտնել է Հալեպի մի քանի՝ հիմնականում քրդաբնակ թաղամասերից՝ Շեյխ Մաքսուդից և Աշրաֆիեից, որտեղ շարունակվում են բախումները քրդերի գլխավորած «Սիրիայի դեմոկրատական ուժեր» (SDF) կոալիցիայի և կառավարական ուժերի միջև, տարհանվել է 850 խաղաղ բնակիչ։
«Հալեպում ծանր մարդասիրական իրավիճակին և քրդական կոալիցիայի կողմից մի քանի թաղամասերի հրետակոծությանը ի պատասխան՝ մենք տարհանել ենք 850 խաղաղ բնակչի, հիմնականում Շեյխ Մաքսուդ և Աշրաֆիե թաղամասերից», - ասվում է ծառայության հայտարարության մեջ, որը հրապարակվել է SANA լրատվական գործակալության կողմից։
Իր հերթին, «Սիրիա» հեռուստաընկերությունը հաղորդում է, որ կալանավորներ փախել են ալ-Շաքիֆ շրջանում գտնվող SDF-ի կողմից վերահսկվող բանտից: Հեռուստաալիքի տվյալներով՝ նրանցից մի քանիսը փախել են Սիրիայի անցումային կառավարության կողմից վերահսկվող տարածքներ:
