Ֆրանսիացի դերասանուհի Բրիժիտ Բարդոյի մահվան պատճառը քաղցկեղն է եղել, հայտարարել է նրա ամուսինը՝ Բեռնար Դ'Օրմալը։
Բարդոն մահացել է դեկտեմբերի 28-ին՝ 91 տարեկան հասակում։ Նրա հուղարկավորությունը տեղի կունենա հունվարի 7-ին Ֆրանսիայի հարավում գտնվող Սեն Տրոպե հանգստավայրի ռազմածովային գերեզմանատանը։
«Նա ունեցել է քաղցկեղի բուժման երկու վիրահատություն», - ասել է Դ'Օրմալը Paris Match ամսագրին։
Դերասանուհու ամուսինը պատմել է, որ նա տառապում էր մեջքի ուժեղ ցավերից, որոնք թուլացնում էին նրան։ Նա հավելել է, որ վերջին ամիսներին Բարդոն հայտարարում էր, որ ինքը հոգնել է և ուզում է հեռանալ։
Հոկտեմբերին Nice-Matin-ը հաղորդել էր, որ դերասանուհին երեք շաբաթ անցկացրել է Թուլոնի մասնավոր հիվանդանոցում, որտեղ վիրահատվել է ծանր հիվանդության պատճառով։
