Բուրկինա Ֆասոյի անվտանգության ծառայությունները կանխել են բարձրաստիճան պաշտոնյաների, այդ թվում՝ նախագահ Իբրահիմ Տրաորեի սպանության դավադրությունը, հայտարարել է Բուրկինա Ֆասոյի անվտանգության նախարար Մահամադու Սանան։
«Բուրկինա Ֆասոն կրկին խափանել է անկայունացման փորձերը։ Երկիրը անկայունացնելու գործողությունը նախատեսված էր 2026 թվականի հունվարի 3-ին, ժամը 23:00-ին։
«Այն պետք է տեղի ունենար քաղաքացիական անձանց և զինվորականների թիրախային սպանությունների շարքով՝ սկսած պետության ղեկավար, Բուրկինա Ֆասոյի նախագահ ընկեր կապիտան Իբրահիմ Տրաորեի չեզոքացումից», - ասել է նախարարը RTB հեռուստառադիոընկերության եթերում։
Նրա խոսքով՝ հարձակվողները պլանավորել էին Տրաորեին սպանել կամ մոտ հեռավորությունից, կամ նրա տունը պայթեցնելով։ Դրանից հետո դավադիրները մտադիր էին անջատել անօդաչու թռչող սարքերի բազան և ցամաքային գործողություն անցկացնել արտաքին ուժերի մասնակցությամբ։
