Մեծ Բրիտանիան, Իռլանդիան, ԱՄՆ-ը և Ֆրանսիան ինքնաթիռներ են ուղարկել Ատլանտյան օվկիանոսում ռուսական Mariner նավթատարին հետևելու համար, հաղորդում է The Times-ը։
Դրա տվյալների համաձայն՝ վերջին օրերին Անգլիայի Սաֆոլկի Միլդենհոլ ռազմաօդային բազայից տանկերի ուղղությամբ թռիչքներ են կատարել ԱՄՆ ռազմաօդային ուժերի երկու P-8 հետախուզական ինքնաթիռ, ինչպես նաև Շոտլանդիայի հյուսիս-արևելքում գտնվող
Լոսիմաութից թռչող Թագավորական ռազմաօդային ուժերի Eurofighter Typhoon կործանիչը։
Բացի այդ, գործողությանը մասնակցել են Ֆրանսիայի ռազմածովային ուժերի պարեկային ինքնաթիռ և Իռլանդիայի ռազմաօդային ուժերի ինքնաթիռ։
Երեքշաբթի օրը ավելի վաղ Ռուսաստանի արտաքին գործերի նախարարությունը ՏԱՍՍ-ին հայտնել էր, որ Մոսկվան անհանգստությամբ հետևում է ռուսական «Mariner» տանկերի շուրջ ստեղծված «աննորմալ իրավիճակին», որը «ԱՄՆ զինվորականների և ՆԱՏՕ-ի այլ անդամ երկրների կողմից ավելի մեծ ուշադրության է արժանանում, ինչը ակնհայտորեն անհամաչափ է դրա խաղաղ կարգավիճակին»։
