ԱՄՆ նախագահ Դոնալդ Թրամփի վարչակազմը կարող է Գրենլանդիայի անեքսիային հասնել չորս եղանակով, գրում է բրիտանական The Times թերթը։
Ինչպես նշում է հրատարակությունը, առաջին տարբերակը ներառում է կղզու ներխուժումը և օկուպացիան։ Երկրորդը՝ հարկադրանքն է, մասնավորապես, Թրամփը կարող է առաջարկել Դանիայից գնել Գրենլանդիան և տեղի բնակչությանը խոստանալ կղզու տնտեսության մեջ խոշորածավալ ներդրումներ։
«Թայմսը» որպես երրորդ հնարավոր սցենար մատնանշում է Ազատ Ասոցիացիայի Պակտը։ Միացյալ Նահանգները ներկայումս նմանատիպ համաձայնագրեր ունի Խաղաղ օվկիանոսի փոքր պետությունների՝ Միկրոնեզիայի, Մարշալյան կղզիների և Պալաուի հետ։
Համաձայնագրերի՝ Միացյալ Նահանգները երաշխավորում է այդ երկրների ֆինանսական աջակցությունը, իսկ նրանք, իրենց հերթին, պաշտպանական հարցերի պատասխանատվությունը փոխանցում են Վաշինգտոնին՝ պահպանելով ներքին ինքնակառավարումը։
Չորրորդ տարբերակը Գրենլանդիայի կարգավիճակը որպես դանիական տարածք պահպանելն է՝ միաժամանակ կղզում ԱՄՆ ռազմական ներկայությունը մեծացնելով, կնքելով առևտրային գործարքներ ամերիկյան ընկերությունների հետ՝ հանքային հանքավայրերի ուսումնասիրության համար և Միացյալ Նահանգներից պաշտոնյաներ նշանակելով որպես տեղական ինքնակառավարման մարմինների անդամների խորհրդականներ։
Թրամփը բազմիցս հայտարարել է Գրենլանդիայի Միացյալ Նահանգներին միանալու անհրաժեշտության մասին։
