Եվրահանձնաժողովը հրաժարվել է Վրաստանի հետ ԵՄ անդամակցության շուրջ բանակցություններ սկսելու հանձնարարականից՝ պահանջելով փոխել Թբիլիսիի քաղաքական կուրսը։ Այս մասին ասվում է ԵՄ-ի ճանապարհին թեկնածու երկրների ընդլայնման և առաջընթացի վերաբերյալ Եվրահանձնաժողովի տարեկան զեկույցում, որը հրապարակվել է Բրյուսելում, փոխանցում է ՏԱՍՍ-ը:
«Եթե Վրաստանը չփոխի իր կուրսը, որը խաթարում է նրա ուղին դեպի ԵՄ, և տեսանելի ջանքեր չցուցաբերի արձագանքելու ԵՄ մտահոգություններին հիմնական բարեփոխումների իրականացման հարցում, Եվրահանձնաժողովը չի կարողանա քննարկել Վրաստանի հետ բանակցություններ սկսելու առաջարկի հնարավորությունը»,- ասվում է փաստաթղթում։Եվրահանձնաժողովի հանձնարարականը առանցքային քայլ է թեկնածու երկրի ընդունման շուրջ բանակցություններ սկսելու համար:
