ԱՄՆ-ը կարող է սուբսիդավորել նավթային ընկերությունների մասնակցությունը Վենեսուելայի էներգետիկ ենթակառուցվածքների վերականգնմանը, NBC News-ին տված հարցազրույցում հայտարարել է ԱՄՆ նախագահ Դոնալդ Թրամփը։
Հեռուստաալիքը նշում է, որ ամերիկացի առաջնորդը կարծում է, որ սա կարող է տևել 18 ամսից պակաս։
«Կարծում եմ՝ մենք կարող ենք դա անել ավելի կարճ ժամանակում, քան սա, բայց դա կպահանջի զգալի ֆինանսական ծախսեր։ Դրա համար անհրաժեշտ կլինի ծախսել հսկայական գումար, և նավթային ընկերությունները կծախսեն այն, իսկ հետո նրանք կփոխհատուցվեն մեզանից կամ իրենց շահույթից», - ասել է Թրամփը։
