ԱՄՆ-ի կողմից Վենեսուելայի վրա հարձակումից մեկ ամիս առաջ ԱՄՆ նախագահ Դոնալդ Թրամփը որոշ նավթային ընկերություններին ազդանշան տվեց, որ Բոլիվարյան Հանրապետությունում մեծ փոփոխություններ են սպասվում: Այս մասին երկուշաբթի օրը հաղորդել է The Wall Street Journal-ը (WSJ):
Նրա խոսքով՝ ռազմական գործողությունից մոտ մեկ ամիս առաջ Սպիտակ տան ղեկավարը մի քանի ամերիկյան նավթային ընկերությունների ղեկավարներին ասել է «պատրաստ լինել» Վենեսուելայում սպասվող խոշոր փոփոխություններին։ Թրամփը չի բացահայտել ամերիկյան վարչակազմի ծրագրերի մանրամասները։
Հունվարի 3-ին Վենեսուելայի արտաքին գործերի նախարար Իվան Գիլ Պինտոն հայտարարեց, որ Միացյալ Նահանգները հարձակվել է Կարակասում քաղաքացիական և ռազմական թիրախների վրա: Նա Վաշինգտոնի գործողությունները որակեց որպես ռազմական ագրեսիա: Վենեսուելայում հայտարարվեց արտակարգ դրություն:
