Հարավային Կորեայի իշխանությունները Հյուսիսային Կորեայի հայտարարությունները Վենեսուելայում ԱՄՆ-ի գործողության վերաբերյալ դիտարկել են` որպես Փհենյանի հակաամերիկյան հռետորաբանության մաս, այլ ոչ թե որպես նոր բան։ Այս մասին ճեպազրույցի ժամանակ հայտարարել է Հարավային Կորեայի միավորման նախարարության խոսնակ Յուն Մին Հոն, հաղորդում է ՌԻԱ Նովոստին։
Նա նշել է, որ Սեուլը չի կարծում, որ հնարավոր է որևէ ուղիղ կապ գտնել Վենեսուելայի վերաբերյալ Փհենյանի հայտարարությունների և նրա ռազմական ակտիվության, այդ թվում՝ հունվարի 4-ին հրթիռների արձակման միջև։
Յուն Մին Հոն նաև հավելել է, որ Հարավային Կորեայի իշխանությունները կշարունակեն ուշադիր հետևել իրավիճակին։
