Հունգարիան ակնկալում է, որ Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը կհանդիպեն Բուդապեշտում 2026 թվականին՝ Ուկրաինայի հակամարտության կարգավորման վերաբերյալ համաձայնության հասնելու համար։ Այս մասին Բուդապեշտում կայացած խոշոր մամուլի ասուլիսում հայտարարել էՀունգարիայի վարչապետ Վիկտոր Օրբանը։
«Մենք հույս ունենք, որ Ուկրաինայում պատերազմը կավարտվի 2026 թվականին։ Այդ ժամանակ Միացյալ Նահանգների և Ռուսաստանի նախագահները կկարողանան հանդիպել Բուդապեշտում, ինչպես նախատեսված է, խաղաղության համաձայնագիր կնքելու համար», - ասել է Օրբանը՝ պատասխանելով հունգարացի և արտասահմանցի լրագրողների, այդ թվում՝ ՏԱՍՍ-ի թղթակցի հարցերին։
Միաժամանակ, վարչապետը նշել է, որ Հունգարիան չի սպասում, որ Պուտինը առանձին կայցելի երկիր։
«Այժմ դրա անհրաժեշտությունը չկա», - հավելել է վարչապետը։
