Նույնիսկ դաշնակիցները կդադարեն լուրջ վերաբերվել Եվրոպային, եթե այն թույլ և բաժանված լինի, հայտարարել է Լեհաստանի վարչապետ Դոնալդ Տուսկը։
«Ոչ ոք լուրջ չի ընդունի թույլ և մասնատված Եվրոպան. ո՛չ թշնամիներ, ո՛չ դաշնակիցներ։ Սա արդեն պարզ է։ Մենք վերջապես պետք է հավատանք մեր ուժերին, մենք պետք է շարունակենք զինվել, մենք պետք է մնանք միասնական, ինչպես երբեք։ Մեկը բոլորի համար և բոլորը մեկի համար։ Հակառակ դեպքում մենք վերջացած ենք», - գրել է Տուսկը X-ում անգլերենով։
Լեհաստանի վարչապետն այսպես է արձագանքել միջազգային ասպարեզում ԱՄՆ վերջին գործողություններին՝ Վենեսուելայի վրա հարձակմանը, ինչպես նաև ԱՄՆ նախագահ Դոնալդ Թրամփի հայտարարություններին՝ Վաշինգտոնի տարածքային պահանջների վերաբերյալ, այդ թվում՝ Դանիայի մաս կազմող Գրենլանդիայի նկատմամբ։
Հունվարի 5-ին Թրամփը հայտարարեց, որ Միացյալ Նահանգներին Գրենլանդիան անհրաժեշտ է ազգային անվտանգության նկատառումներից ելնելով։
