Իսպանիայի արտաքին գործերի նախարար Խոսե Մանուել Ալբարեսը հայտարարել է, որ Վենեսուելայում ստեղծված իրավիճակի լուծումը չպետք է պարտադրվի դրսից, և հատկապես՝ ուժով։
Մեկնաբանելով ԱՄՆ ռազմական գործողությունը հանրապետությունում, դիվանագետը նշել է, որ «ձեռնարկվել է գործողություն, որը հստակորեն հակասում է միջազգային իրավունքին»։
«Վենեսուելայի համար լուծումը չի կարող պարտադրվել դրսից, առավել ևս՝ ուժով», - ընդգծել է նա Cadena SER ռադիոկայանին տված հարցազրույցում։
«Մենք արդեն ունենք բազմաթիվ օրինակներ պատմության մեջ, ժամանակակից պատմության մեջ. հիշենք, օրինակ, Իրաքը», - ասել է արտաքին գործերի նախարարության ղեկավարը։
«Ուժի կիրառումը, վերջին հաշվով, հանգեցնում է ոչ թե ժողովրդավարության, այլ քաոսի և անկայունության, ոչ միայն այն երկրում, որտեղ այն կիրառվում է, այլև տարածաշրջանում»։
Խոսելով ԵՄ-ի կողմից ԱՄՆ գործողություններին արձագանքի մասին՝ Ալբարեսը նշել է, որ ինքը կցանկանար ԵՄ-ից ավելի կոշտ հայտարարություն անել: Ավելին, նախարարի խոսքով, Մադրիդը պատրաստ է համագործակցել Վենեսուելայի նախագահի պաշտոնակատար Դելսի Ռոդրիգեսի կառավարության հետ:
