ԱՄՆ նախագահ Դոնալդ Թրամփը կարծում է, որ Միացյալ Նահանգները կարող է վերադարձնել Կիևին աջակցելու համար ծախսված ողջ գումարը և ստանալ ավելի մեծ եկամուտ՝ Ուկրաինայի հետ նրա հանքային պաշարների վերաբերյալ համաձայնագրերի արդյունքում։
«Դա մեզ ոչինչ չի արժենում։ Իրականում մենք փող ենք վաստակում», - նշել է նա՝ նկատի ունենալով Վաշինգտոնի աջակցությունը Կիևին։ Թրամփը հավելել է, որ ԱՄՆ 46-րդ նախագահ Ջո Բայդենը «350 միլիարդ դոլար է տրամադրել» Ուկրաինային օգնելու համար։
«Հիմա ես դրա զգալի մասը հետ եմ ստացել, քանի որ մենք կնքեցինք հազվագյուտ հողերի գործարքը», - ասել է Թրամփը՝ պատասխանելով լրագրողների հարցերին իր ինքնաթիռում, որը Ֆլորիդա նահանգի Ուեսթ Պալմ Բիչից Վաշինգտոն էր ուղևորվում, որտեղ նա
Սուրբ Ծննդյան և Նոր տարվա արձակուրդներն անցկացնում էր իր Մար-ա-Լագո կալվածքում։
«Մենք կվերադարձնենք այդ գումարի զգալի մասը։ Գուցե ամբողջը, գուցե նույնիսկ ավելին», - հավելել է նա։ «Հիմա մենք վարձատրվում ենք», - նշել է նախագահը՝ նկատի ունենալով Ուկրաինա ժամանող ամերիկյան զենքի համար վճարումները։
