ԱՄՆ նախագահ Դոնալդ Թրամփը հայտարարել է, որ Նիկոլաս Մադուրոն կարող էր սպանվել դիմադրության դեպքում: Նրա խոսքով՝ Մադուրոն փորձել է թաքնվել բունկերում, սակայն ամերիկացի զինվորականները «զարմացրել» են նրան և թույլ չեն տվել թաքնվել:
Թրամփը պնդում է, որ գործողության ընթացքում տեղի է ունեցել ինտենսիվ փոխհրաձգություն, որը տևել է մոտ 47 վայրկյան: Նրա խոսքով՝ Մադուրոն հասել է դռանը, սակայն չի հասցրել փակել այն, քանի որ այն պայթեցվել է։
«Կոլումբիայի նախագահը կոկաինի գործարաններ ունի և կոկաին է ուղարկում մեր երկիր։ Այո, ճիշտ կանի, զգույշ լինի»,- ասել է նա, ապա հավելել․ «Իմ հետևում կանգնած մարդիկ են կառավարելու Վենեսուելան։ Նա (Վենեսուելայի փոխնախագահը) պատրաստ է անել այն, ինչ կարծում ենք, որ անհրաժեշտ է Վենեսուելայի համար»։
