Զինված ուժերում մարտական խնդիր կատարող զորամասերը զինվորական ծառայության ուղի և համապատասխան մասնագիտական ունակություններ ունեցող, սակայն զինվորական ծառայությունից զորացրված և երկարամյա ծառայության համար զինվորական կենսաթոշակ ստացող անձանցով համալրելու գրավչությունը ապահովելու նկատառումներից ելնելով՝ անհրաժեշտություն է առաջացել հնարավորինս սեղմ ժամկետում սահմանել իրավական մեխամիզմներ։
Մասնավորապես, ՔՊ-ական պատգամավորներ Արմեն Խաչատրյանի և Անդրանիկ Քոչարյանի առաջարկած «Զինծառայողների մասին օրենքի» նոր նախագծով առաջարկվում է նշյալ զորամասերում պայմանագրային ծառայության անցնելու դեպքում չդադարեցնել զինվորական թոշակի իրավունքը։
Ընդ որում՝ կենսաթոշակի պահպանման իրավունքը պահպանվում է, որ ավելի քան «փոխգնդապետ» դասակարգմամբ զինվորական պաշտոնի նշանակման դեպքում։ Դրանից հետո ՊՆ-ի որոշմամբ այլ զորամասում ծառայության անցնելու դեպքում կենսաթոշակ ստանալու իրավունքը դադարում է։
Զորամասերի ցանկը և պայմանները սահմանում է Պաշտպանությանն նախարարությունը։Նախագծի նպատակն է խթանել միջին և ցածր օղակների զինվորական պաշտոնների համալրման գործընթացը։ՔՊ-ական Հայկ Սարգսյանի հարցին, թե արդյոք ունեն տվյալներ, թե քանի պայմանագրային զինծառայող ունենք բանակում, ովքեր թոշակի են անցել, բայց վերադարձել են ծառայության ու այս պահին թոշակ չեն ստացել, այլ ստացել են միայն աշխատավարձ, Խաչատրյանը պատասխանեց, որ նման վիճակագրական տվյալ չունի։
«Բայց կարծում եմ, այդ թիվը եթե անգամ լինի՝ ցածր է լինելու։ Պետական գաղտնիքից ելնելով՝ չեմ ցանկանում հրապարակել այն սպայական կազմը, որ այսօր կա պահեստազորում, բայց բավական մեծ է պահեստազորում այն սպայակազմի թիվը, որոնց սահմանային տարիքը չի լրացել ու նրանք կարող են շարունակել ծառայությունը»։
Սարգսյանն էլ ամփոփեց, թե նախագծի իմասն ըստ էության, այն է, որ երբ 38-40 տարեկան հասակում երկարամյա սպան զորացրվում ու անցնուն է ծառայության՝ նրան ասում եք՝ մի գնա թոշակի, կամ եթե գնացել՝ վերադարձի ու կստանաս և թոշակդ, և աշխատավարձ։
Աղբյուր` Փաստինֆո
