Ռուսական ուժերը գիշերը կրկին հարձակում են գործել Օդեսայի մարզի նավահանգստի և արդյունաբերական ենթակառուցվածքների վրա, որի հետևանքով 1 մարդ է զոհվել, 2-ը՝ վիրավորվել, այս մասին հաղորդում է BBC-ի ռուսական ծառայությունը՝ վկայակոչելով Օդեսայի մարզային վարչակազմի ղեկավար Օլեգ Կիպերին։
Պաշտոնյան նշել է, որ հարձակման հետևանքով վնասվել են վարչական, արտադրական և պահեստային շենքեր։ Որոշ օբյեկտներում հրդեհներ են բռնկվել, որոնք մարվել են փրկարարների կողմից։
Նա չի նշել, թե ինչ օբյեկտների մասին է խոսքը։ Ըստ Կիպերի՝ փլատակներում հայտնաբերվել է մեկ զոհի մարմին, երկու մարդ վիրավորվել է։
