Շվեդիայի կառավարությունը պատրաստել է օրինագիծ, որն արգելում է առաջին զարմիկների միջև ամուսնությունները և հրաժարվում է ճանաչել թագավորությունից դուրս կնքված նման ամուսնությունները, ասվում է կառավարության գրասենյակի մամուլի հաղորդագրության մեջ։
Նախաձեռնության նպատակն է հակազդել պատվի հասկացության հետ կապված ոտնձգություններին:
«Պատվի վրա հիմնված բռնությունն ու ճնշումները մեր հասարակությունում անընդունելի են։ Հեշտ է խոսել զրոյական հանդուրժողականության մասին, բայց դա պետք է արտացոլվի նաև օրենսդրության մեջ։
Կանանց և աղջիկների, մասնավորապես պատվի հասկացության հետ կապված պայմաններում ապրողների, պաշտպանությունը պետք է ամրապնդվի թե՛ քրեական, թե՛ քաղաքացիական օրենսդրության մեջ։
Զարմիկների միջև ամուսնության արգելքը կարևոր միջոց է՝ ապահովելու համար բոլորի սեփական կյանքը որոշելու իրավունքը», - մամուլի հաղորդագրության մեջ ասել է արդարադատության նախարար Գունար Շտրյոմմերը։
Տեքստում նաև նշվում է, որ աղջիկների և կանանց համար «զարմիկների ամուսնությունը» կրում է ընտանեկան պատվի նկատառումներից ելնելով ճնշման, ինչպես նաև սոցիալական մեկուսացման և ազգակցական կապերի վրա հիմնված հարակից կառույցների, այդ թվում՝ քրեական կառույցների ամրապնդման ռիսկ։
