Քննիչները պահանջում են շախմատի աշխարհի նախկին չեմպիոն Գարի Կասպարովի հեռակա ձերբակալությունը: Մոսկվայի Զամոսկվորեցկի շրջանային դատարանը դեկտեմբերի 22-ին գրանցել է նախնական կալանքի միջնորդություն:
Կասպարովին հեռակա մեղադրանք է առաջադրվել Ռուսաստանի քրեական օրենսգրքի 205.2 հոդվածի 2-րդ մասով (ահաբեկչության հրապարակային կոչեր, ահաբեկչության հրապարակային արդարացում կամ դրա քարոզչություն, որը կատարվել է զանգվածային լրատվության միջոցների, էլեկտրոնային կամ տեղեկատվական և հեռահաղորդակցական ցանցերի օգտագործմամբ): Այս հոդվածով առավելագույն պատիժը յոթ տարվա ազատազրկում է:
Քննիչները նախկինում չեն հայտարարել Կասպարովի դեմ քրեական գործ հարուցելու մասին:
Գարի Կասպարովը շախմատի աշխարհի 13-րդ չեմպիոնն է: 2005 թվականին նա հայտարարել է շախմատից հեռանալու մասին: 2012 թվականին նա ընտրվել է Ռուսաստանի ընդդիմության համակարգող խորհրդի անդամ: Հաջորդ տարի Կասպարովը հայտարարել է Ռուսաստանից հեռանալու մասին:
