րանսիական ազգային հեռարձակող France Télévisions-ը հայտարարել է, որ չի հյուրընկալելու «Մանկական Եվրատեսիլ 2026»-ը, գրում է Eurovoix-ը։
Որպես «Մանկական Եվրատեսիլ 2025»-ի հաղթող երկիր՝ Ֆրանսիային տրվել է 2026 թվականի մրցույթը հյուրընկալելու առաջնահերթության իրավունք։ Սակայն France Televisions-ը հայտարարել է, որ չի կարողանա հյուրընկալել «Մանկական Եվրատեսիլ 2026»-ը։ Դա պայմանավորված է ֆինանսական պատճառներով։ 2026 թվականի բյուջեն հավասարակշռելու համար France Televisions-ը պետք է խնայի 140 միլիոն եվրո։ Հայտարարության նշվել է կազմակերպության ողջ տարածքում անհրաժեշտ գումարը խնայելու իր ծրագրերի մասին, այդ թվում՝ «...ազգային ծրագրերի արժեքի հետագա կրճատում, մասնավորապես՝ 2025 թվականի սեպտեմբերից սկսված հոսքային ծրագրերի արժեքի 5% կրճատման ամբողջ տարվա ազդեցության, ստեղծագործական ծրագրերի վերահեռարձակման ավելացման, որոշակի ծրագրերի կրճատման և մեկ կամ մի քանի մարզական միջոցառումների հեռարձակման իրավունքների հնարավոր վերավաճառքի շնորհիվ: France Télévisions-ը նաև հրաժարվում է հյուրընկալել «Մանկական Եվրատեսիլ 2026»-ը»:
Սա առաջին դեպքը չէ, որ Ֆրանսիան հրաժարվում է հյուրընկալել «Մանկական Եվրատեսիլ 2026»-ը հաղթանակից հետո: 2024 թվականին Ֆրանսիան հրաժարվեց հյուրընկալել մրցույթը՝ որոշելով կենտրոնանալ Փարիզում կայանալիք 2024 թվականի ամառային օլիմպիական խաղերի հեռարձակման ծրագրերի վրա: Այնուհետև Իսպանիան դարձավ հյուրընկալող երկիր և հյուրընկալեց 2024 թվականի մրցույթը Մադրիդում:
