Թուրքիայի պաշտպանության նախարարությունը հայտարարել է, որ կապ է հաստատել Ռուսաստանի և Ուկրաինայի հետ՝ Սև ծովից Թուրքիայի օդային տարածքում թռչող անօդաչու թռչող սարքի խոցման վերաբերյալ։ Նախարարությունը հայտարարություն է արել Անկարայում կայացած մամուլի ասուլիսում։
«Մեր գործընկերներին Ռուսաստանում և Ուկրաինայում զգուշացվել է Սև ծովի անվտանգությանը վերաբերող և Ուկրաինայի ու Ռուսաստանի միջև շարունակվող պատերազմի հետ կապված նման բացասական իրադարձությունների նկատմամբ ավելի մեծ զգուշություն ցուցաբերելու անհրաժեշտության մասին», - նշել է գերատեսչությունը։
Ռազմական գերատեսչությունը նաև հայտարարել է, որ «համապատասխան ստորաբաժանումները որոնողական-փրկարարական և տեխնիկական գործողություններ են իրականացնում» այն տարածքում, որտեղ անօդաչու թռչող սարքը կործանվել է Թուրքիայում։
«Մեր օդային տարածքը հսկվում է 24/7 ռեժիմով՝ օգտագործելով բազմաշերտ, ինտեգրված ճարտարապետություն, որը ներառում է ռադարային համակարգեր, վաղ նախազգուշացման համակարգեր, էլեկտրոնային պատերազմի համակարգեր և որսման հնարավորություններ։ Մեր ՀՕՊ համակարգի խոցելիության մասին պնդումները չեն համապատասխանում իրականությանը։
«Անկառավարելի վիճակում գտնվող անօդաչու թռչող սարքը հետապնդվել է մեր F-16 կործանիչների կողմից և վերահսկվող եղանակով խոցվել ամենահարմար վայրում», - նշել է Պաշտպանության նախարարությունը։
