Լեհաստանի վարչապետ Դոնալդ Տուսկը «Պոլսատ» հեռուստաընկերությանը հայտարարել է, որ նախագահ Կարոլ Նավրոցկին շաբաթներ շարունակ չի պատասխանել իր հեռախոսազանգերին։
«Նա շաբաթներ շարունակ հեռախոսին չի պատասխանել», - դժգոհել է Տուսկը։
«Ես իսկապես փորձեր եմ արել նախագահի հետ սերտորեն համագործակցել արտաքին քաղաքականության հարցում, բայց շաբաթներ շարունակ որևէ արձագանք չի եղել, այդ թվում՝ հեռախոսազանգերը անտեսելը», - շարունակել է վարչապետը։
Տուսկի խոսքով՝ «նախագահի հետ հարաբերությունների սկիզբը վատագույնը չէր»։ «Գոնե նախագահը պատասխանում էր SMS-ներին և հեռախոսազանգերին», - հիշեցրել է կառավարության ղեկավարը։
Սակայն հետո, «ցավոք սրտի, պարոն նախագահը և նրա մարդիկ սկսեցին ամեն ինչ անել հակամարտությունը պահպանելու և կառավարությանը պատկանող լիազորությունների մեջ ներխուժելու համար», - ասել է Տուսկը։
Կարոլ Նավրոկին Լեհաստանի նախագահ դարձավ օգոստոսի 6-ին։ Այդ պահից սկսած նրա և վարչապետի միջև հակամարտությունը սկսեց սրվել։
Դեռևս օգոստոսին Տուսկը խոստացել էր «անողոք» լինել նոր նախագահի և նրա նախաձեռնությունների նկատմամբ իր մոտեցման մեջ: Նոյեմբերին Նավրոցկին Տուսկին անվանել էր «Լեհաստանի պատմության ամենավատ վարչապետը 1989 թվականից ի վեր»:
