Իրանի արտաքին գործերի նախարար Աբբաս Արաղչին ժամանել է Մոսկվա, որտեղ նախատեսված է նրա հանդիպումը իր ռուս գործընկեր Սերգեյ Լավրովի հետ: Նախարարի ժամանման կադրերը հրապարակել է Tasnim լրատվական գործակալությունը:
Օդանավակայանում Արաղչիին դիմավորել է Ռուսաստանի Դաշնությունում Իսլամական Հանրապետության դեսպան Քազեմ Ջալալին։
Ավելի վաղ Ռուսաստանի արտաքին գործերի նախարարությունը հայտնել էր, որ Ռուսաստանի և Իրանի դիվանագիտական առաքելությունների ղեկավարները մտադիր են Մոսկվայում մանրամասն քննարկել միջազգային արդիական հարցեր, այդ թվում՝ Իրանի միջուկային ծրագրի շուրջ ստեղծված իրավիճակը, ինչպես նաև կարծիքներ փոխանակել փոխադարձ հետաքրքրություն ներկայացնող տարածաշրջանային հարցերի շուրջ։
