Իրանի արտաքին գործերի նախարար Աբբաս Արաղչին դեկտեմբերի 17-ին կայցելի Մոսկվա, որտեղ նախատեսված են նրա և Ռուսաստանի արտաքին գործերի նախարար Սերգեյ Լավրովի բանակցությունները, ասվում է Ռուսաստանի արտաքին գործերի նախարարության հաղորդագրության մեջ։
«Դեկտեմբերի 17-ին Իրանի արտաքին գործերի նախարար Աբբաս Արաղչին աշխատանքային այցով կմեկնի Մոսկվա։ Նախատեսվում են նրա բանակցությունները Ռուսաստանի արտաքին գործերի նախարար Սերգեյ Լավրովի հետ», - ասվում է հաղորդագրության մեջ։
Արտաքին քաղաքականության գերատեսչությունների ղեկավարները մտադիր են մանրամասն քննարկել միջազգային արդիական հարցեր, այդ թվում՝ Իրանի միջուկային ծրագրի շուրջ ստեղծված իրավիճակը, ինչպես նաև կարծիքներ փոխանակել փոխադարձ հետաքրքրություն ներկայացնող տարածաշրջանային հարցերի շուրջ։
Հատուկ ուշադրություն կդարձվի «ռուս-իրանական հարաբերությունների ավանդաբար խիտ երկկողմ օրակարգի արդիական հարցերին, որոնք 2025 թվականի հոկտեմբերի 2-ին նոր միջպետական պայմանագրի ուժի մեջ մտնելուց հետո հասել են համապարփակ ռազմավարական գործընկերության որակապես նոր մակարդակի»։
